இணையத்தில் திருட்டு தனமாக ஜனநாயகன் படத்தின் காட்சிகளை வெளியிட்டுள்ளது குறித்து நடிகர் சிவகார்த்திகேயன் கண்டனம் தெரிவித்துள்ளார். அவர் பேசியது “ஒரு படம் உருவாக ஆயிரக்கணக்கான பணியாளர்களின் ரத்தமும், வியர்வையும் சிந்தி உருவாக்கப்படுகிறது, திரையரங்குகளில் வரும் வரை யாரும் தவறான வழியில் படத்தைப் பார்க்க வேண்டாம், ஜனநாயகன் படத்தை இணையத்தில் வெளிட்டவர்கள் மீது கடும் நடவடிக்கை எடுக்க வேண்டும், கடின உழைப்பையும், திறமைகளையும் மதிக்கவும்” என அவர் ஜனநாயகன் படத்திற்கு ஆதரவாகக் குரல் கொடுத்துள்ளார்.
மேலும் திரைப்படத்தை லீக் செய்தவர்கள்மீது நடவடிக்கை எடுக்குமாறு படக்குழு சைபர் கிரைமில் புகார் அளித்துள்ளனர்.
மற்றொருபுறம் ஜனநாயகனின் முழுநீள படமும் வெளியானதாகத் தகவல்கள் வந்துள்ளது. இதைச் செய்தவர்கள்மீது கடும் நடவடிக்கை எடுக்க வேண்டும், வருடக்கணக்காக உழைத்ததுற்கு மதிப்பு இல்லாமல் போனது என விஜய் ரசிகர்கள் தங்கள் ஆதங்கதை தெரிவித்து வருகின்றனர்.
